豆花譜 (已結業)

去锦田树屋无意中路经呢间名叫豆花谱食店，我地豆腐花迷见到有豆腐花俩个字梗系好开心啦。当时上午大约十一点几，店内无人食野，只得我地，一入去就问有无豆花食，有个男人就话：我地既豆花无用石膏做既。哗！一听到咁健康既做法我地就好开心咁话要食，老板娘就介绍三种味既豆花比我地。绿茶味，可可味，灵芝味。 $20 一碗原来上层是不同既味，下层是豆腐花，好有特式，绿茶味好香，可可味都好香，灵芝味就感觉唔到，正常既，灵芝本身都无咩味。灵芝咖啡，一盒 $118 有12包，系老板好热诚咁介绍既，佢话佢研究左多年，已拿左专利，咖啡内加上灵芝，杜仲，黄精，党参，黄芪，牛膝根等材料，好特别㖞　我地要左一杯大家 share 饮，唔错㖞，我地就买２盒，买完先知唔系冲剂，要煲架！ 又唔好意思退货，唯有揾日去买部咖啡机啦！ 我地谂过，若然好既，以后唔买冲剂，改买呢只，部机又唔会晒。