基哥一品清湯腩 (已結業)

一早就想试下呢间新开的清汤腩。群记就成日排长龙，点都要发掘D新铺比自己顶下引。基哥清汤腩环境好开扬，但位置比较偏僻，今晚成条街就好似得佢一间开铺咁。条街人气不足，都真系邓佢难挨。今晚天气冻冻地，我地叫左个二人套餐清汤腩火锅，有牛腩、牛丸、牛脷、牛根、萝卜、枝竹、菜、米线、炸鱼皮。火锅料唔系任食，但汽水、豆浆任饮。清汤腩、牛根十分霖、牛脷好爽、牛丸好弹牙，清汤可以一碗碗咁饮，大满足！将D汤加入米线，米线吸收晒D牛内味，真系可以再食多几碗都得。食到最后一定系要讲D萝卜，萝卜终于煲到霖晒，好有关东煮 feel，但无关东煮咁甜，味道刚刚好。又系食到停唔到。但实在太饱，不可以再食啦！唯一发觉佢地D菜洗得唔太干净，有两粒发泡胶粒。