影片
更多
2024-10-19
1120 浏览
出去食嘢，有好多感觉都因为你自己嘅心情因素而导致你对一间餐厅加分或者减分，最少我认为一般食客系咁。我唔系白老师又唔系安成宰，所以都比较唔太客观及专业，不过睇完黑白后，对食嘢有啲新冲劲。香港，究竟边度有黑汤匙？上网look过下，再靠第六感决定嚟呢间。去到菜单唔多选择！good！经历话我知菜单得几样嘅厨佢手势及心态通常都唔会差得去边。再睇下唔同菜嘅款式造法同定价，我感觉个厨对于pasta及用cream有啲信心。(再加上楼面可以讲系完全0装修，入到去我都知应该无选择错）结果，由第一度嘅Salad有8种唔同嘅蔬果加butter beans夹埋加了少少heat嘅dressing，因为明显蔬果一定系今早去买，水份非常充足，食落真心好食过4 seasons那个。第二度系个soup of the day，来了个白色乜都无嘅白汤，waitresses放咗即磨黑椒。外表毫无特别，那时无乜为意，就好似在其他餐厅一样，放一匙羹汤入口，你唔会太专心去等待佢会比到啲咩味道你…… 点知第一口就！Jesus！哗！ 我无出声，我等太太都饮一啖先讲嘢。佢望住我，我哋一齐讲，我饮紧咩？ 超好味！ 系松露，但系白松露？ 啲解
上网look过下，再靠第六感决定嚟呢间。去到菜单唔多选择！good！经历话我知菜单得几样嘅厨佢手势及心态通常都唔会差得去边。再睇下唔同菜嘅款式造法同定价，我感觉个厨对于pasta及用cream有啲信心。(再加上楼面可以讲系完全0装修，入到去我都知应该无选择错）
结果，由第一度嘅Salad有8种唔同嘅蔬果加butter beans夹埋加了少少heat嘅dressing，因为明显蔬果一定系今早去买，水份非常充足，食落真心好食过4 seasons那个。
第二度系个soup of the day，来了个白色乜都无嘅白汤，waitresses放咗即磨黑椒。外表毫无特别，那时无乜为意，就好似在其他餐厅一样，放一匙羹汤入口，你唔会太专心去等待佢会比到啲咩味道你…… 点知第一口就！Jesus！哗！ 我无出声，我等太太都饮一啖先讲嘢。佢望住我，我哋一齐讲，我饮紧咩？ 超好味！ 系松露，但系白松露？ 啲解个汤咁香又咁light 一啲都唔似其他地方嘅？ 有啲令我想起之前在意大利饮过嘅味道but better。呢个汤个cream应该唔会系就就咁落，一定处理过。但我真系唔系专业，所以我哋只觉得超好味。
Main我太太叫了个大虾意粉，又系，佢个cream base真系做得好新鲜又好light，that’s excellent! (好多字了，唔写咁多，真系要自己去试）
之后，试佢甜品，今日系普通嘅chess cake，但结果我哋再加叫多一件。佢啲有奶或有cream 嘅嘢真系好唔错！
P.s.
我正餐食了羊扒，当然唔错，但因为其他都好WOW，羊扒系好，但就无了个Wow factor了。 如果烧件炭，滴少少油上去，在上碟前smoke佢1分钟，我就又会多一个wow factor了！
我虽然唔系做饮食，但自己好钟意食，又投资过几间餐厅，近年自己又煮下，今次写咁多字，因为，呢间餐厅真系值得我写。
我哋估，呢一间餐厅，应该系由一个厨师自己出嚟开，不主打环境，只系要几个位就入厨房下厨do what he does best！
我留意到，虽然地方细细，佢唔会只著一件Tshirt ，佢会著住正规白色西厨衫，呢个respect 自己嘅态度，好值得支持！
张贴
