瀧赤料理 (已結業)

今日喺巴伦纽睇铁甲人，睇完动作片鬼咁肚饿，见到斜对面呢间日本料理好有日本小店嘅风格，就走咗入嚟试下。餐牌上有好几款清酒，全部我都好想试，可惜今日揸咗车，都系留番下次先。自家制玉子烧，玉子烧非常厚身，蛋味香浓而带有点点嘅清甜味，口感札实，明显系用得多蛋嘅缘故，特别钟意佢嘅面头被火微微烧过，令整体感觉更加香口。剑鱼寿司，剑鱼含有比肉类高约10倍嘅不饱和脂肪酸，系健脑嘅重要物质，肉白略带淡红色，含有丰富嘅脂肪，肉质柔软，口感十分肥美，细嚼新鲜嫩滑。火炙盐烧带子寿司，带子被火炙过后显得极为诱人，肥大肉厚，入口清甜无比，比起出面食到既份外鲜甜，带子上面嘅一小撮盐更加起到点晴嘅作用，用咸味带番出个鲜甜味，正。鳗鱼丼，鳗鱼丼块鳗鱼都几大块，基本上遮哂成个饭面，鳗鱼嘅底下有细碎嘅炒滑蛋，香浓嘅鳗鱼汁本身已经十分之美味，连埋片腌渍萝卜一齐食，就更上一层楼。呢间小店嘅性价比都唔错，值得番兜。