海 三碗麵

营业中

休息中

之前行过好多次门口都有好几个人排队，几咁难得今次路过见到间舖唔使排队有空位即刻走入去坐低，舖头虽然细细间得八个位，但系入去坐低之后老板完全冇停过手，一人运作嘅店舖真系好忙碌，煮嘢食收钱执枱老板一手包办，成间铺净系卖三碗面，今次嗌咗海虾浓汤，坐低等咗25分钟碗面终于到啦，汤头真系好好味，仲要加埋樱花虾同埋葱增加口感同味道，配埋即时用火枪烧嘅牛肉食落口劲满足😋每碟有5块左右，成碗面食晒觉得自己等咗咁耐都系值得，下次如果唔想排咁耐堂食嘅话，应该会order好外卖攞去第二度食，