天鳥居酒屋

营业中

休息中

天鸟嘅装潢以浅木色为主调，餐厅中央挂满日式旗帜，感觉开扬，空间感好大，餐厅周边都用上咗好多酒樽嚟做摆设，秉承一贯嘅日式风格。绢豆腐樱花虾温泉玉子沙律，沙律上枱后，将非常动 L 嘅温泉蛋捣开，睇住浓浓嘅蛋浆有如瀑布倾泻而下，本身已经系一种享受。嚟自日本嘅绢豆腐豆味好香，配上新鲜嘅沙律菜，点睛嘅樱花虾同埋无得输嘅麻酱，特别得嚟又够好味。串烧免治鸡肉，呢个串烧免治鸡肉系我去千叶鸟每一次都会嗌嘅 must have item，我最钟意佢个免治鸡肉里面混入为数不少嘅软骨，爽脆嘅口感加上日本烧汁已经相当好味，今次仲有个印像中上次好似无嘅 半熟玉子喺侧边，攞嚟点啲鸡肉，味道更有层次。竹炭炸鸡肩配山贼沙律酱，喺餐牌见到呢个竹炭炸鸡肩觉得好特别就嗌嚟试吓，鸡肩嘅外层炸得香脆，散发住淡淡嘅竹炭味道，鸡肉系估佢唔到咁嫩滑，个山贼沙律酱好特别，系喺出面未食过嘅味道，唔知系咪厨师自家制嘅呢?火炙左口鱼背寿司(汁烧)，寿司一嚟到已经闻到火炙过后嘅香味，左口鱼背被火炙过后油脂四溢，入口满满嘅左口鱼油嘅香味，萦绕久久不散。天鸟嘅出品高质得嚟又够抵食，唔嚟开 T Town 都值得特登嚟食。