影片
更多
2019-01-10
4559 浏览
大概大半年前同啲旧同事嚟「上海婆婆336」聚旧食咗餐饭，大家都一致赞好。所以，今次同班团友聚旧，再翻兜「上海婆婆336」，除地点便利所有人之外，重点喺够稳阵，让大家实食得开心。不过，话时话，就喺大半年无食过上海菜，点知呢两个月因唔同聚会，就接连食咗几餐上海嘢。因为都嚟过几次，都知环境格局，因为今次人多啲，成一行9人，印象上佢哋好似无乜大圆枱够咁多人坐，故此，订枱时都问问有无，原来佢哋嘅6人圆枱喺可以加大，咁就啱啱好啱啱晒我哋。鱼籽烟熏蛋 $88冷盘嚟讲，呢款烟熏蛋喺小弟推介俾朋友嘅必然之选，鱼籽烟熏蛋卖$22 / 只，次次嚟食都无失望，今次再试，亦喺保持水准。凝香嘅蛋黄入口绵绵滑滑，蛋香浓郁，又有淡淡烟熏味；加入脆卜卜嘅黑鱼籽，增加层次感，更因色差嘅对比令卖相更好睇。无锡脆鳝 $102因为今次人多，就唔点拼盘，拣几款特色冷盘俾大家试，脆鳝喺其一。咪睇佢外观黑掹掹，又似为好似平常啲鳝肉咁软腍腍，一咬就知几咁脆卜卜，加上挂满糖醋汁，酸香沉实，喺上佳嘅开胃冷菜。醉乳鸽 $102大家话醉鸡食得多，醉鸽就未试过，所以，特登叫一客俾大家过吓口瘾。一客嘅份量唔少，总次就够大家都试到，入口感觉好爽，肉
因为都嚟过几次，都知环境格局，因为今次人多啲，成一行9人，印象上佢哋好似无乜大圆枱够咁多人坐，故此，订枱时都问问有无，原来佢哋嘅6人圆枱喺可以加大，咁就啱啱好啱啱晒我哋。
鱼籽烟熏蛋 $88冷盘嚟讲，呢款烟熏蛋喺小弟推介俾朋友嘅必然之选，鱼籽烟熏蛋卖$22 / 只，次次嚟食都无失望，今次再试，亦喺保持水准。凝香嘅蛋黄入口绵绵滑滑，蛋香浓郁，又有淡淡烟熏味；加入脆卜卜嘅黑鱼籽，增加层次感，更因色差嘅对比令卖相更好睇。
鱼籽烟熏蛋
$22
97 浏览
2 赞好
0 留言
因为今次人多，就唔点拼盘，拣几款特色冷盘俾大家试，脆鳝喺其一。咪睇佢外观黑掹掹，又似为好似平常啲鳝肉咁软腍腍，一咬就知几咁脆卜卜，加上挂满糖醋汁，酸香沉实，喺上佳嘅开胃冷菜。
无锡脆鳝
$102
75 浏览
0 赞好
0 留言
大家话醉鸡食得多，醉鸽就未试过，所以，特登叫一客俾大家过吓口瘾。一客嘅份量唔少，总次就够大家都试到，入口感觉好爽，肉质细嫩，渗出微微酒香，好食。
醉乳鸽
$102
58 浏览
0 赞好
0 留言
啲冷盘叫嚟喺边等边食，齐人就再上啲热辣辣点心。小笼包嘅好坏，就睇得出店子嘅水准，呢度嘅小笼包搓得外皮够薄，肉饀松化富肉汁，水准依然。
葱花家常薄饼 $58有人提议点呢个，当然好啦，即叫即做，送上枱时热辣辣。家常薄饼比起常见嘅葱油饼薄身，咬落好酥香，口感带点柔韧，饼内混入唔少葱花，阵阵葱香。
松子黄鱼 $182河鲜、海鲜类就拣咗松子黄鱼，一来卖相靓，做法考到师傅，二来抵食嘛。橙红嘅甜酸茨汁做得啱啱好，唔会太厚身杰挞挞，甜酸味又恰到好处，而鱼肉外皮先喺酥脆，里面则仍然 好柔嫩。
松子黄鱼
$182
89 浏览
0 赞好
0 留言
呢道菜嘅食材无咩话好特别，但胜在凑埋一齐却喺有啲惊喜。牛肉粒一贯沪式浓酒赤酱嘅炒法，特别在于加入松子仁及上海年糕粒同炒，惹味之上，多咗唔同嘅口感。
松仁糯香牛肉粒
$88
45 浏览
0 赞好
0 留言
无食北京填鸭咁多花臣，简单只喺配荷叶饼减减腻。啲荷叶饼非常软熟，夹住片片鸭肉，肉质软腍，酥香而有咬口，味道有层次。
黄金四季豆 $76照常态，喺要点啲蔬菜嚟平衡吓，但估唔到大家都喺宁拣味道，而牺牲健康，皆因相中近排大热嘅「黄金」菜式，将胆固醇抛诸脑后。四季豆炒嚟唔会太过腍，但又唔好好生，而包住一层咸蛋黄蓉，自然惹味度飞升。
黄金四季豆
$76
54 浏览
0 赞好
0 留言
另一道蔬菜菜式，亦拣咗较具沪菜风味嘅酱烧茄子，浓香嘅酱汁，每茄子更惹味，净食都喺觉得有啲浓，配白饭就恰到好处，所以，就加一道炒年糕。
雪菜炒年糕 $78炒年糕有好几款，最后拣款较为清啲嘅雪菜炒，年糕柔韧有咬口，带咸咸哋嘅雪菜味，其实，配合番啲四季豆、茄子，味道都好夹。
香蕉高力豆沙 $52 / 4件最后以甜点作结喺附合公众期望，本嚟高力豆沙喺一客4件，但可以额外加点嘅，多一个就额外俾多$15。个个做得涨卜卜又大个，外层洒满糖霜，食落面团极之软绵，内里夹杂香蕉与豆沙，绵滑滋味。
香蕉高力豆沙
$52
56 浏览
0 赞好
0 留言
张贴
