Flames (海濱匯)

营业中

休息中

之前同另一半特意嚟呢个之前冇嚟过嘅商场，个商场位置就唔算方便，由牛头角站行过嚟都要10分钟，但系个商场本身就非常之干净企理，系行高档路线。间餐厅系开放式设计，空间感满满，餐厅有室内同室外嘅部份，不过如果唔钟意吸入烟味就最好唔好坐咁近室外𠮶边，因为室外𠮶部份有好多人会食烟。卫生环境都相当唔错，大部份侍应都好热情好客，惊喜地仲有live Band表演，赞赏有加。我同另一个都叫咗个套餐，每个套餐都有一客前菜同埋一客主菜，我哋前菜分别嗌咗个避风塘鸡翼同埋青口，避风塘鸡翼就中规中矩，而个青口就非常鲜甜可口，甚有惊喜。至于主菜，我哋就嗌咗个大虾扁意粉同埋西冷牛扒配薯条。个意粉就几好食，而个西冷扒好有肉味，基本上唔需要点任何汁都好有鲜味，甚至比一啲贵价西餐厅更加好食，至于个薯条配埋佢哋嘅调味粉系非常之惹味，非常推荐。两个人$600都唔使埋单，我个人非常推荐呢间餐厅。