影片
更多
2017-12-03
1552 浏览
中环呢间开业数月嘅小店，虽然门口细细仲要落地库，睇唔到间铺系咩样，但个招牌只猪仔吸引我上嚟search下到底系食咩嘅😋主打吉列猪，set净系得猪，睇得出小店对招牌菜信心十足😎另外小食有猪耳、猪杂等，喺香港嘅日本菜唔算常见。叫左支手工啤酒，闻落几清新，第一下几易入口，但回返𠮶阵味系比较甘啲苦啲嘅。要左一个豚西冷及猪柳同一个豚肉眼定食，配左椰菜丝同少少薯仔沙律。收得二百蚊份量都唔少😛定食仲跟左个面豉汤，个汤真系好值得一提，平时我都唔系几大兴趣饮个汤，但呢个将红萝卜白萝卜同牛蒡切到细细片一齐煲，成个汤系甜左，难得我话正🙈先试豚肉眼，脂肪较多，我谂脂肪同肉嘅比例大概系三七，炸得香脆，但唔会觉得好油腻。再试豚西冷，脂肪同肉好分明，只有少部分喺侧边，但瘦得嚟都完全唔会觉得嚡口，几啱食👍🏻最后试埋个猪柳，肉质明显深色啲，完全唔肥，对比下豚西冷会嫩少少。个人口味唔喜欢肥猪肉，所以心水推介系豚西冷。密友话炸猪排都系丼吉稍胜，我又觉得有得挥，唔系连锁式反而品质会稳定啲，铺头细细又几多日本人捧场，成个感觉都唔错。见隔离枱食个芝士馅嘅炸猪柳，都好吸引，应该会再嚟嘅！
主打吉列猪，set净系得猪，睇得出小店对招牌菜信心十足😎另外小食有猪耳、猪杂等，喺香港嘅日本菜唔算常见。
叫左支手工啤酒，闻落几清新，第一下几易入口，但回返𠮶阵味系比较甘啲苦啲嘅。
要左一个豚西冷及猪柳同一个豚肉眼定食，配左椰菜丝同少少薯仔沙律。收得二百蚊份量都唔少😛定食仲跟左个面豉汤，个汤真系好值得一提，平时我都唔系几大兴趣饮个汤，但呢个将红萝卜白萝卜同牛蒡切到细细片一齐煲，成个汤系甜左，难得我话正🙈
先试豚肉眼，脂肪较多，我谂脂肪同肉嘅比例大概系三七，炸得香脆，但唔会觉得好油腻。
再试豚西冷，脂肪同肉好分明，只有少部分喺侧边，但瘦得嚟都完全唔会觉得嚡口，几啱食👍🏻
最后试埋个猪柳，肉质明显深色啲，完全唔肥，对比下豚西冷会嫩少少。
个人口味唔喜欢肥猪肉，所以心水推介系豚西冷。密友话炸猪排都系丼吉稍胜，我又觉得有得挥，唔系连锁式反而品质会稳定啲，铺头细细又几多日本人捧场，成个感觉都唔错。见隔离枱食个芝士馅嘅炸猪柳，都好吸引，应该会再嚟嘅！
张贴
