山林壽司 (已結業)

放工揾食路过山林道, 在门口见到佢哋定食价钱都合理, 就入去试试~舖内其实得一行位, 坐尽都只有10个位... 虽然冇豪装又舖仔细细, 但感觉都干净企理~坐低先知原来佢哋除咗定食仲有多款寿司, 即叫即做~ 不过我又赶住去上堂, 就简简单单叫咗个杂锦寿司饭定食~都好大碗又足料 (只系影出嚟有点迷你, 实质上系个大汤碗) , 仲跟前菜同汤㗎~我最欣赏就系个汤, 睇得出店主用心~里面系真系有三文鱼骨, 味道好够! 唔会好似有啲舖头, 冇哩味道又或者求其用开粉嘅面豉汤!食到饱饱, 埋单$108, 我觉得都几抵食, 有机会要再去~