WIRED CAFE (已結業)

Wired Cafe 提供新派日本轻食，系日本都有成50几间分店，可惜系香港就只有2间。今日难得星期五同朋友聚旧，又刚好要黎尖沙咀买少少野，就决定黎呢到试下啦。夜晚7点几黎到，仲有几张台未满，唔洗等位住，真系好啦。坐低之后就慢慢睇MENU啦，因为选择太多，所以都花左一段时间去拣，最后拣左「明太子意大利粉」同埋「香草沙律风干火腿薄饼」。落单果时侍应听到我地只系叫2样野时有点儿震惊，令我地谂，呢到D份量系咪好少既呢? 2个人叫2个会唔够食? 但系当食物到既时候，迷底终于解开啦......明太子意大利粉:意粉软硬度同份量都好适中，酱汁香浓惹味，明太子粒粒分明，好足料，碟旁仲有一块法包，整体卖相好吸引。香草沙律风干火腿薄饼: 上菜时俾佢巨型既Size吓亲，但睇真D其实佢都只不过系一个风干火腿沙律放系薄脆既饼底上面，所以其实都唔系太多啫。风干火腿唔太咸，配上新鲜既蔬菜沙律，味道清新，口感又爽又脆，好好味，但系薄饼落既芝士有点儿过多，少返DD会更加好。