瀛喜日本料理 (已結業)

琴日同朋友去试呢间放题，地点就脚唔太难揾， 因为book咗枱，所以好快就有位。 食放题梗系先食刺身喇，所以一坐低我哋就即刻点刺身 ，刺身拼盘好快就 上到而且冇扣数，写几多上几多，仲唔会薄切切碎湿湿，仲好新鲜添！寿司方面都唔错，旧饭细细个，啱晒我哋呢啲钟意食𩠌唔食饭嘅香港人，食完一轮寿司刺身跟住就是烧物、炸嘢同串烧 ，种类都算几多，每样试啲好快摆满成张枱。记住要食芝麻鸡翼、烧茄子仲有烧帆立贝。芝麻鸡翼热辣辣好香脆，加埋芝麻同埋少少辣好香口 ，烧茄子面头配左啲炸蒜蓉，D蒜蓉同茄子非常搭！ 个芝士帆立贝加左啲沙律酱焗出嚟热辣辣好好食，可以追加 ！仲有个焗日本甜薯仔，薯仔好甜，令人食唔停！ 值得一赞嘅系佢出嚟啲食物仲keep到热辣辣同脆卜卜， 食落唔会有肥腻的感觉 。另外，羊架和牛柳粒属水准之作。反而个粟米蟹粥有意外惊喜 ！粥底都几棉，加埋粟米甜甜地几好味！ 最后甜品有任食雪糕糯米糍同大脚八 ，雪糕糯米糍细细粒有好多款口味，每款口味试一粒都好满足 。整体嚟讲，地方尚算舒适，地点就脚，职员服务态度唔错，上食物速度快，食物新鲜，种类算多，唯一要扣少少分嘅系甜品种类比较少，但总括嚟讲可以再encor