影片
更多
2019-06-07
3140 浏览
表姪女考完晒试，表哥啲时间自由啲，所以就专登约佢食餐晚饭，大家又可以呻吓工作上嘅难处、唔公平嘅对待……等等。表哥话未上过啲楼上咖啡店，所以，晌网上揾两揾，摷到「Layback Cafe ＆ Bar」，参考过啲食评确，感觉唔错㖞。餐厅位处加连威老道一幢旧式商厦低层，占地唔大，室内大概廿个位左右，以木系为主装修，算喺精简骨子，摆设少少装修品，点缀一吓环境。此外，仲有少少室外位，都几开扬架，感觉舒适，但天气有点闷热，就乖乖坐番晌室内啦。晌走出去露天位时，一定会留意到门口旁有个小书架，摆咗啲旅游书，啱嘅可以拎本打打书钉，扮吓文青。主餐牌好简单啫，一面喺印有各款沙律、薄饼、特色小食、甜点。反转另一面，就喺主菜系，由A至I共9款，定价为$128-$138，但可以另+$25加配是日餐汤，而想加配饮品，就有一律减$10优惠，变相成为一份套餐。温馨提示，虽然餐牌无写，喺需加一服务费嘅。既然叫得Cafe，饮品嘅选项自然宁舍多，唔多作介绍喇，贴晒出嚟俾大家有个参考。点好餐后，店员会送上餐具，啲餐具就无乜特别啦，但个鹿仔藤篮就非常别致。妈日餐汤 +$25今晚嘅餐喺南瓜忌廉汤，色泽橙红，质感几滑身，亦甚有南瓜嘅
餐厅位处加连威老道一幢旧式商厦低层，占地唔大，室内大概廿个位左右，以木系为主装修，算喺精简骨子，摆设少少装修品，点缀一吓环境。
此外，仲有少少室外位，都几开扬架，感觉舒适，但天气有点闷热，就乖乖坐番晌室内啦。
晌走出去露天位时，一定会留意到门口旁有个小书架，摆咗啲旅游书，啱嘅可以拎本打打书钉，扮吓文青。
主餐牌好简单啫，一面喺印有各款沙律、薄饼、特色小食、甜点。
反转另一面，就喺主菜系，由A至I共9款，定价为$128-$138，但可以另+$25加配是日餐汤，而想加配饮品，就有一律减$10优惠，变相成为一份套餐。温馨提示，虽然餐牌无写，喺需加一服务费嘅。
既然叫得Cafe，饮品嘅选项自然宁舍多，唔多作介绍喇，贴晒出嚟俾大家有个参考。
点好餐后，店员会送上餐具，啲餐具就无乜特别啦，但个鹿仔藤篮就非常别致。
妈日餐汤 +$25今晚嘅餐喺南瓜忌廉汤，色泽橙红，质感几滑身，亦甚有南瓜嘅清甜味，汤里有少许粟米粒，但我就觉得有无都无所谓，反而，由于汤碟大只，放条意大利饼干条衬一衬就仲好，档次都升一级呀！
妈妈香脆拉面沙律 $98一来主菜无沙律加配，二来晌沙律类见到有款咁得意嘅沙律配搭，试试究竟喺点。原来喺以沙律菜垫底，加上妈咪面及水牛芝士，再淋上黑醋而成，都真喺几有心思。
创意还创意，食味喺点先？其实，当啲香脆拉面好似平常食凯撒沙律啲面包粒咁，就完全无咩违和感。将拉面及芝士一齐入口，一脆一柔，口感过瘾，而沙律菜又够新鲜爽脆，最欣赏喺啲黑酸，应该喺煮过嚟，黏啲、杰身啲，醋味好醇和，一啲都唔呛喉。
自家制南瓜汁天妇罗虾杂菌意大利饭 $128一向我都觉得意大利好考到厨师嘅手艺，一食就知得唔得，而呢个意大利饭喺意日融和，日式嘅天妇罗虾配杂菌意大利饭。
啲饭用上大大只虎虾，所以，出嚟嘅外观好有睇头。先讲啲虾，炸得甘香，入口唔油，虾肉又几爽；意大利饭方面，个人就觉得汁太多，有啲似食汤饭咁，不过，南瓜品就十分浓郁，饭粒亦具咬口感，饭内混有好多杂菇，增加口感。
香蒜白酒露笋日本和牛粒烩扁意粉 $138另一道主菜就要咗扁意粉，除和牛粒，碟面仲加咗大量翡翠苗、露笋仔、车厘茄，睇落色彩好睇啲，又多添份清爽感，而且，份量好足。
香蒜白酒露笋日本和牛粒烩扁意粉
$138
16 浏览
0 赞好
0 留言
榛子牛奶咖啡 +$34虽然Layback挂正名叫Cafe，不过，杯牛奶咖啡就冲得未够手势，虽然拉咗少少花，但入口明显喺撞得唔够奶泡，质感较削身，个拉花亦唔多细致，还好个咖啡味道都几醇香。
焦糖朱古力奶 +34反而，表哥就话佢杯焦糖朱古力几正，原来打咗厚厚嘅奶泡落去，令整体口感更幼滑，而朱古力味又唔错。
可能星期日关系，都未到晚市高峰时间，都已经座无虚席，帮衬嘅都喺啲年青客人。侍应都喺女生嚟，招呼颇细心，而且有礼，整晚用餐都予人好称心。
张贴
