Basilico (已結業)

今日朋友带左我黎呢间餐厅，呢间野o系Circle Tower，都几易揾到。装修方面，呢度既装修简单，内有小酒吧，有点点小酒馆既感觉。灯光偏暗，有轻音乐，但几静，应该几岩情侣黎。我地叫左一个bbq rib, 同埋海鲜意大利饭。先到既系面包，烤到几脆，中间几软熟，好香口，我同朋友都几钟意呢个包。之后系海鲜意大利饭。茄汁味酸酸甜甜，湿度适中。呢个饭既份量唔算大，但上面都有几多海鲜，有好多芝士，蚬肉，鱼，虾肉，仲有香草。意大利饭几有咬口。水平以上！仲有一个bbq ribs, 佢既味道都几好，烧烤酱酸甜度岩岩好，个Ribs 有肉得黎D肉质都唔错，呢碟好好好惹味，黎呢度要叫黎试下。不过我同朋友都好欣赏点薯条个个酱，好香口啊!!呢个系Cucumber & Basil Collins见呢杯野有cucumber想点黎试下。好大阵草青味，几解喝。