鮨芸館 (已結業)

今日同朋友黎工厦，行下同睇下手作仔，支持本地创作，不过去之前食D野先。 鮨芸馆系D2 Place三楼，D2 Place就系地铁站荔枝角D2出口，位置方便唔洗行几个街口先到！ 环境: 成个环境同装修以清淡颜色为主，非常舒服，比人一种休闲的感觉，适合想忙里偷闲的“你地”，员工都友善。**店内另设有榻榻米的坐位，多人可以试下坐榻榻米。**枱面上有颜色笔同几张卡，比客人填下颜色系等野食黎到之前可以有野做下，唔洗甘无聊，而小朋友有得填颜色当然会乖乖坐底唔会乱叫乱跑，靓靓的作品有机会贴系餐厅的当眼之处。餐具好有日本style，比个good啊！美食: 前菜几开胃，唔错！特上寿司盛盒(8件配葱吞拿鱼卷) ＄158 寿司好食，都好新鲜，但因为餐牌只写左特上寿司，所以有D寿司我都唔知咩鱼呢家，哈哈。饭细鱼生大，不过就唔like寿司上面D酱，好难食，我就食寿司唔多食酱，正啊！葱吞拿鱼卷唔好食，吞拿鱼肉质似食紧肉松。 牛肉乌冬+ 三文鱼刺身＄88 味道尚可，牛肉肉质嫩似食紧越式生牛肉檬粉，乌冬同汤底都系平日食开的味道。另配三件三文鱼刺身，正好厚，新鲜又冇根。