Flamingo Bloom (已結業)

Flamingo Bloom开到黎尖沙咀，实在再无藉口唔试呢间红遍网络嘅餐厅。店面继续以一只大红鹤为招徕，装修充满夏日风情。除左多款饮品，最近仲推出左不同下午茶之选。两个人各自拣左一杯饮品，再一齐分享一份厚多士。厚烧牛油果多士，鲜红蕃茄配上嫩绿牛油果，卖相十分吸引。牛油果比想像中多，应该有一大个又或者一个半嘅份量。牛油果嘅Creamy口感，再加上咸香味十足嘅蒜蓉多士，非常惹味。饮品方面全部都别出心裁，大多数都系由唔同名茶品种再配制而成。我试左新出嘅Smashed strawberry grapes x almond milk，味道又几特别，清新自然。淡淡嘅杏仁奶味较易入口，唔会好似杏霜咁浓味。朋友试嘅亦都系新出嘅蜜糖啤梨绿茶。所谓绿茶，其实系茉莉花茶，清香淡雅。热茶，仲有蜜糖加上啤梨蓉，系冬天咁干燥嘅日子更显得滋补养生。