影片
更多
2024-01-06
35 浏览
今年圣诞假期决定留港消费，假期好多人都离港外游，趁机去下啲人气cafe打下卡食嘢，去咗其中一间位于锦田市中心嘅cafe。由锦上路站行过去大概15-20分钟左右，沿途可以感受下乡村嘅宁静。Cafe外面简约阔落，门前都有啲枱凳可以享受阳光，适合喜欢「赏」太阳嘅客人。入到室内首先见到一边系水吧工作枱，另一边系餐枱，感觉阔落舒适。由于我哋到嘅时候cafe开门不久，我哋可以拣选坐内堂嘅榻榻米，环境清幽雅致，和式嘅设计犹如置身日本，舒适且适合打卡嘅朋友。榻榻米嘅另一边都有个小庭院但唔适合进嘢，布置简单得嚟令人好放松，cafe嘅设计非常有心思，周到地考虑埋食客嘅感观视觉，净系嚟叹咖啡都爽。餐牌设计精简，好配合cafe嘅风格，有沙律、咸食、甜品、小食等选择。周打蚬汤+面包首先饮个周打汤暖暖胃，喜欢汤底唔太「杰」，入口有鲜甜嘅蚬肉味，食到有好多蚬肉，味道系日式西餐风格。面包外脆内软，烟韧但唔难咬开，外表普通但味道出色。蟹肉薯仔沙律之前系西贡果间分店食过蟹肉薯仔沙律念念不忘，好彩锦田分店都有，朋友食过都大赞，蟹肉唔腥，完美提升咗薯仔嘅鲜味，既食到薯香亦食到蟹肉嘅鲜甜，必食推介！狸猫荞麦面日本控朋友讲我先知
Cafe外面简约阔落，门前都有啲枱凳可以享受阳光，适合喜欢「赏」太阳嘅客人。
入到室内首先见到一边系水吧工作枱，另一边系餐枱，感觉阔落舒适。
由于我哋到嘅时候cafe开门不久，我哋可以拣选坐内堂嘅榻榻米，环境清幽雅致，和式嘅设计犹如置身日本，舒适且适合打卡嘅朋友。
榻榻米嘅另一边都有个小庭院但唔适合进嘢，布置简单得嚟令人好放松，cafe嘅设计非常有心思，周到地考虑埋食客嘅感观视觉，净系嚟叹咖啡都爽。
餐牌设计精简，好配合cafe嘅风格，有沙律、咸食、甜品、小食等选择。
周打蚬汤+面包
首先饮个周打汤暖暖胃，喜欢汤底唔太「杰」，入口有鲜甜嘅蚬肉味，食到有好多蚬肉，味道系日式西餐风格。
面包外脆内软，烟韧但唔难咬开，外表普通但味道出色。
蟹肉薯仔沙律
之前系西贡果间分店食过蟹肉薯仔沙律念念不忘，好彩锦田分店都有，朋友食过都大赞，蟹肉唔腥，完美提升咗薯仔嘅鲜味，既食到薯香亦食到蟹肉嘅鲜甜，必食推介！
狸猫荞麦面
日本控朋友讲我先知狸猫面即系面上面加油炸豆皮，系关东地区嘅叫法，好可爱嘅叫法。豆皮甜甜哋索饱咗昆布汤，好好食。而荞麦面冇过硬或过淋，算唔错。
柠檬班戟
甜品我哋拣咗柠檬班戟，同西贡分店一样都系大大份，视觉上同味觉上都大大哋得到满足，柠檬味入口好清新，完全可以遮盖邪恶感，冰冻嘅雪糕加热辣辣班戟，冰火效果食到停唔到口。
Dirty
朋友表示dirty嘅冰火感好得意，一啖可以感受到两种口感，既可以饮到咖啡嘅香味又可以饮到奶嘅香滑。
Affoqato
咖啡龄浅嘅我第一次见「Affoqato」,与其话系咖啡不如话系甜品，云尼拿雪糕上面淋上热嘅espresso，味道似tiramisu, 成件事好开心。
张贴
