Unbothered (已結業)

以前大家一听到去兰桂坊，都系谂住系夜晚先会去，但系今个星期日我就同朋友去咗位于兰桂坊嘅一间cafe unbothered食下午茶。 入面有好多街头小食, 我要咗鱼蛋烧卖双拼同埋鸡软骨。 鱼蛋同烧卖各有六粒 ，佢啲烧卖几好食， 有啲弹牙。嘢饮就要咗热朱古力鲜奶伯爵茶， 估唔到佢连热朱古力上边都有个心心拉花，见到咁靓拉花咁少不免打一阵卡。餐厅还有其他嘅轻食，例如盐酥鸡粒，鸡软骨，炸鸡翼，香脆蜜汁肠， 另外佢仲有杏仁糊，同埋腰果露等的甜品糖水，钟意食碗面嘅朋友都有唔少选择㗎，餐厅有番茄牛肉面，妈子煮鸡酒面等等。餐厅环境整洁干净，装修富有特色，门口有一只巨型夹子，顺著楼梯上去二楼会坐得比较舒适阔落， 楼上有几张嘅高脚凳和高脚枱。 二楼仲有一个小露台，坐喺露台食住下午茶，睇住楼下嘅街景，令人有放松舒适嘅感觉。繁华闹市的中环有一间咁嘅cafe，真系同朋友hight tee 嘅好地方。