euro go go

营业中

休息中

今日晏昼出咗旺角谂住揾间Cafe食下，经过朗豪坊就谂住去euro gogo食。佢𠮶阵时大约一点半至两点到，都几唔系好多人见到都有几张空枱。可能好耐冇黎一入到去见到个餐牌变咗做电子版，都几清晰同埋方便睇。叫完之后服务员会俾个牌你，佢哋会送埋嘢食，唔使自己拎好方便。👍🏻见有啲肚饿就叫咗个辣肉肠火腿烟肉意粉加咗杯蜜桃茶饮。个意粉系忌廉底，带有少少芝士味，如果食晒成个意粉都几济。，辣肉肠同埋啲烟肉煎得好香，啲火腿偏咸咸度，全部加埋个意粉一齐食啱啱好。个杯冻嘅蜜桃茶唔会过甜而且好清新，茶底唔会好苦涩，解渴一流👍🏻而且杯茶入面都有五至六片嘅罐头蜜桃果肉。整体来讲环境同食物价钱都唔错😆经过可以入嚟食下。