影片
更多
2016-06-13
1396 浏览
唔系成日都可以去旅行，唯有每逢假日都去一啲新地方，当自己系游客咁，游览下一啲未去过嘅地方！始终香港仲有好多地方未去过！今次就来坚尼地城，因为有咗地铁之后真系方便好多！出地铁后沿路一路行谂住行去海边行下，沿途好多食肆，见到呢一间日本餐厅好似好正宗，价钱又合理，就入去试吓！两个人分别点左刺身拼盘同埋寿司拼盘！侍应首先送上热辣辣嘅面豉汤，面豉味刚好，唔太咸，入边有少少滑滑豆腐同海带，几好味，令刚刚淋左小小雨嘅我暖暖身！随即送上一碟蟹籽沙律！椰菜好鲜甜，蟹籽每一粒都脆卜卜，配上一丝丝嘅蟹柳丝，好醒胃！我同朋友都大赞呢个沙津！然后炖蛋都好快奉上，个炖蛋好香好滑，好似豆腐花咁，不过蛋味十足，最底层仲有一片日本鱼蛋、蟹柳同银杏！日本鱼蛋同蟹柳味道都好甜！有响日本食嘅感觉！食完咁多前菜之后，其实我都半饱状态！点知主菜刺身拼盘同埋寿司拼盘一利原来份量有咁多！刺身拼盘入面有池鱼、油甘鱼、甜虾、拖罗、鲣鱼、三文鱼同剑鱼。每样刺身都有两片，好丰富！我同朋友share刚刚好！寿司拼盘同样选择丰富！呑拿鱼腩小卷、海螺、海胆、深海池鱼、立鱼、三文鱼、间八、油甘、拖罗。同朋友share嘅关系我唔系全部都试哂，但食落每
侍应首先送上热辣辣嘅面豉汤，面豉味刚好，唔太咸，入边有少少滑滑豆腐同海带，几好味，令刚刚淋左小小雨嘅我暖暖身！
面豉汤
83 浏览
0 赞好
0 留言
沙津
34 浏览
0 赞好
0 留言
炖蛋
17 浏览
0 赞好
0 留言
刺身拼盘入面有池鱼、油甘鱼、甜虾、拖罗、鲣鱼、三文鱼同剑鱼。每样刺身都有两片，好丰富！我同朋友share刚刚好！
刺身定食
22 浏览
0 赞好
0 留言
同朋友share嘅关系我唔系全部都试哂，但食落每一款刺身都好新鲜好肥美又厚，以白鱼为多，通常白鱼食落都好多筋，但呢一度无，啖啖肉又鲜甜，从舌尖滑入喉咙！最难忘系海胆食落仲有少少海水味，感觉超新鲜，焕起我响日本食海胆饭嘅感觉。
吞拿鱼小卷亦值得一赞！平时我最唔食旁边嘅小卷，觉得佢系配角，但呢一个吞拿鱼腩小卷入口即溶，鲜甜肥美，一啲都唔输蚀！螺肉好甜唔韧，拖罗同三文鱼入口即溶好鲜甜！平时好怕食呑拿鱼，觉得好腥，但呢度完全无呢个感觉，好甜！而且每件寿司都唔松散，又唔太实，密度刚好！呢一个正正就系考师父功力嘅时候！
当大家都食到好饱之际，估唔到最尾仲有甜品奉上！幸好系一人一粒荔枝糯米糍，嗜甜嘅我都毫不犹豫急急摆入口，用一点甜作呢一餐嘅总结。糯米糍系日本货，荔枝味雪糕好香滑好清新！外皮烟韧！令我同朋友都感觉完满！
值得一赞侍应服务好好，不时细心的为我哋添热茶，又主动讲解拼盘内嘅刺身种类！令我地都长知识了！
张贴
