松記士多-海鮮及私房菜

营业中

休息中

因为训过龙，我们11时30分才由粉岭站坐56K小巴出发。到达鹿颈已经12点。行左差不多1小时先来到松记士多，撞正食饭时间，非常多人。幸好啱啱有一枱走左，我地四人可以马上有位。伙计好快奉茶。不过老板唔得闲落单，我地等左2个字先落到单。我地只想简单食饭然后再起行。所以只系叫最简单的走地鸡、炒芥兰同扬州炒饭。本来考虑叫多个菜，不过见其他枱的份量都唔少，所以最后只叫三样。𩠌菜都上得几快，而且份量真系足，我地四人都吃得饱。鸡系凉的，不过都OK。芥兰几好味，炒饭好足料而已炒得好干身。埋单无小费，总共$270，四人分每人唔驶$70，在郊外吃都咁有质素，相当合理。下次有机会一定再来。