鼎泰豐

营业中

休息中

星期日，一家人去鼎泰丰食晏。服务不得不赞！所有员工都十万个有礼貌！笑容可掬，很有礼貌。食物size 碟碟都较细，所以要叫好多先够饱。干煸四季豆系前菜黎嘅，所以系冻食。第一次冻食干煸四季豆。四季豆好嫩，无渣。四季豆炸得够干身，加埋肉末又炒得好香口。担担面自家手打面条，幼度适中。面质滑，烟韧弹牙。汤底麻酱味不重，面头有花生碎，不过就无肉末。葱油拌面面条同担担面的一样。有韧度，弹牙，不会太淋。味道一般，葱味唔够浓香。虾肉云吞真系皮薄馅靓！但皮薄得黎唔会穿，又好滑。虾好新鲜，有原只鲜虾；猪肉比例相对较少，无肥肉。小笼汤包配埋蛋丝汤一齐食。呢个食法都系第一次。一笼有十二只，只只细细粒，一口一粒。由于本身size细，所以里面都唔会有好多汁。皮薄馅都ok，每啖加埋蛋丝汤都好好味。蒸菜肉饺呢个真系好斋，因为菜多过肉。个皮厚度适中，唔算厚。馅料饱满，菜新鲜爽口。小笼包由于斋食个小笼汤包唔够喉，于是叫多个正常嘅小笼包。好多汤汁，皮薄，一咬即穿，汤汁一涌而出。汤汁无油，味道鲜甜。酸辣汤好多料，有荀丝、木耳丝、豆腐丝等。稀稠适中；味道一般啦，我觉得唔够辣同唔够酸。