帝景軒 (已結業)

最近开始放暑假，同全家人一齐谂住过左轻松开心嘅周末。见到帝景酒店推出紧promotion for 亲子活动，所以就叫埋家姐带埋佢嘅小朋友一齐黎玩返2日。黎到酒店，夜晚梗系唔少得自助餐嘅环节呢度嘅环境好舒服，虽然唔算好大，但座位都OK宽敞，都唔会好嘈。个日我比较迟食lunch，而个lunch 又好大份，所以去到夜晚都唔系好肚饿，真系有D唔抵。自助餐对于我黎讲最正梗系甜品嘅环节～所以我只系食左好少主菜，集中用仅有嘅胃部容量去专攻甜品！一开始食左冷盘先。呢度有刺身，长脚蟹等等自助餐必备嘅食物。质素ok, 螺唔会好多沙。好快就去到熟食啦～因为实在太唔肚饿。呢度嘅烧烤区有烧粟米，黑毛猪同埋羊架。由于我唔食羊嘅关系，所以只系试左另外2款。黑毛猪真心推介～烧得好嫩滑，肉味好香，好快大家就抢晒黎食，要一攞再攞～虽然呢度冇我好钟意嘅生蚝，但都仲有焗款代替。蒜蓉够晒多，如果怕腥嘅人都不妨一试。食到一半侍应送黎左一人半只焗龙虾～大大只，肉都几爽口～本身唔想食主食，但见到呢个长通粉咁多芝士，就忍唔住夹左几条黎试～蕃茄芝士嘅配搭真系几正～到甜品嘅环节啦～佢呢度嘅种类都唔算少。有各种蛋糕，啫喱，雪糕等等，岩晒大人