龍苑中菜廳

营业中

休息中

今个weekend喺金域假日酒店staycation，check out𠮶日嘅lunch就同阿爸阿妈三个落咗佢间中菜馆饮茶。因为疫情关系，喺酒店饮茶食饭安全啲。开咗一壶铁观音，茶叶干净，小茶粉。环境中规中矩，星期一嘅午茶比我预期中多人。点心试咗晶莹虾饺皇，北菇鲜虾烧卖，xo酱凤爪，上汤芫茜牛肉球，萝卜千丝酥，流心黑芝麻圆，酥炸咸水角同叉烧包。点心水准大致中尚，味道新鲜。我哋比较钟意佢个烧卖佢真系皮薄馅靓，个芝麻丸真系做到有留心嘅效果，萝卜丝够松脆多馅皮薄。其他𠮶啲系传统香港点心嘅味道冇乜特别，同平时同区饮茶𠮶啲差唔多。如果你系假日酒店嘅会员饮茶仲会有折添，咁就就真系好过去茶楼饮啦。