橫水渡小廚

营业中

休息中

而家去唔到旅行， 放假都想出户外抖下气， 大澳有好多嘢食， 又可以行山， 当然是一个好选择啦。 依间餐厅我嚟过3次， 佢有四大名菜， 咸鲜虾干荷叶龙仔饭， 招牌香煎墨鱼饼， 椒盐脆皮豆腐， 炭烧烧鹅。 我每一次都会叫龙仔饭， 因为喺外面真系好难食到， 佢啲虾干好大只， 加埋啲虾酱蒸饭真系好香， 令你食完一碗仲想食第二碗。 椒盐豆腐仔必食的， 因为佢里面嘅豆腐真系非常嫩滑， 个皮炸得唔厚， 非常脆口， 外脆内软的感觉是无法抗拒。 烧鹅和墨鱼饼都好食， 不过系我嘅次选。 至于餐厅的环境， 类似梅窝长洲的地道中式食肆， 只是一般。