新星海鮮酒家 (已結業)

难得回港后一连可以再放3日, 更系相约友人出来饮下茶.系铜锣湾唔想排队之下,我地就来新星碰碰运气, 今日系幸运日等唔够3分钟已经可以安排入座.叫左马拉糕, 凤爪, 菜苗饺, 黑椒韭菜饼, 鲜虾腐皮卷及蚬介鲮鱼球.其实来过此店2次都觉得佢地既点心做得都有水准, 最喜欢此店既马拉糕做得好松软只是今次味道偏甜不过用来配茶都算唔错.另外菜苗饺皮薄馅料多中间既虾肉都算弹牙.蚬介鲮鱼球即叫即炸来时仍然热辣辣配上咸香既蚬仔肉非常美味反而最差算系 黑椒韭菜饼, 又无黑椒味连韭菜份量都少得惊人,整个饼都偏硬又无味, 算系最差既点心.