影片
更多
2021-10-03
2082 浏览
放假同男朋友去食吓fine dining，呢间餐厅喺中环，环境几舒服，食物又好食，唔怪之得假日冇晒office班客都咁多街外客。我哋就试咗两个4-course dinner set，$428/位。鳗鱼鹅肝冻批呢个配搭几特别，最上面嘅系鳗鱼汁啫喱，然后一层鳗鱼一层鹅肝酱，食嘅时候可以沾上伴碟嘅青苹果西芹汁，味道配合得相当好，中和左鹅肝同鳗鱼嘅油腻感。黑松露焗蛋配36个月黑毛猪火腿黑松露焗版香喷喷，一片片嘅黑松露加上嫩滑嘅蛋白同唐心蛋黄，味道绝配，食嘅时候再同半碟嘅泡沫薯蓉一齐食，味道口感更加丰富。黑毛猪火腿味道甘香，油脂丰沃，食到舔舔脷。香橙甘笋汤呢个汤味道几特别，甘笋原来同香橙味道非常唔夹，呢个汤味道好清香，浓稠度刚好，令人一口接一口咁饮。煎香辣剑鱼腩配粟米莎莎两件剑鱼腩用慢火煎得好香，剑鱼腩嘅油脂丰富，鱼嘅肉质口感非常特别，唔似食紧一般嘅鱼扒，似食紧烟熏嘅鸡肉，嫩得来带点扎实爽口。配上嘅香草汁味道清新，加上一啲蕃茄粒同粟米粒，味道清新。伴碟仲有一啲粟米莎莎，店员介绍系用粟米粉造成类似萝卜糕嘅嘢食，再炸香佢，颇为特别。香烤阿根廷安格斯肉眼配英式牛肉布甸店员介绍而家开始兴食阿根廷牛扒，我
鳗鱼鹅肝冻批
呢个配搭几特别，最上面嘅系鳗鱼汁啫喱，然后一层鳗鱼一层鹅肝酱，食嘅时候可以沾上伴碟嘅青苹果西芹汁，味道配合得相当好，中和左鹅肝同鳗鱼嘅油腻感。
黑松露焗蛋配36个月黑毛猪火腿
黑松露焗版香喷喷，一片片嘅黑松露加上嫩滑嘅蛋白同唐心蛋黄，味道绝配，食嘅时候再同半碟嘅泡沫薯蓉一齐食，味道口感更加丰富。黑毛猪火腿味道甘香，油脂丰沃，食到舔舔脷。
香橙甘笋汤
呢个汤味道几特别，甘笋原来同香橙味道非常唔夹，呢个汤味道好清香，浓稠度刚好，令人一口接一口咁饮。
煎香辣剑鱼腩配粟米莎莎
两件剑鱼腩用慢火煎得好香，剑鱼腩嘅油脂丰富，鱼嘅肉质口感非常特别，唔似食紧一般嘅鱼扒，似食紧烟熏嘅鸡肉，嫩得来带点扎实爽口。配上嘅香草汁味道清新，加上一啲蕃茄粒同粟米粒，味道清新。伴碟仲有一啲粟米莎莎，店员介绍系用粟米粉造成类似萝卜糕嘅嘢食，再炸香佢，颇为特别。
香烤阿根廷安格斯肉眼配英式牛肉布甸
店员介绍而家开始兴食阿根廷牛扒，我哋试咗五成熟，觉得牛味OK，但系略嫌牛扒唔够厚身，干了一点，但系整体都唔错。英式牛肉布甸用咗英国传统做法，几得意，我第一次食，一个焗得好香嘅面包批里面包着一啲有酱汁嘅牛肉粒，热辣辣几香几好味。
烧焦糖班戟配蜜糖脆脆雪糕
店员介绍班戟上面用咗炼奶，焗左三个钟，所以焦糖化咗，变咗微微嘅啡色，食落去就似一层薄脆加上软绵绵pancake，味道好好，配上冰冻嘅蜜糖脆脆雪糕加上伴碟嘅蜜糖脆脆腰果，呢个甜品令人好满足。
最后再慢慢叹埋一杯饮品，好休闲咁渡过左一个晚上，食得好丰富满足。
张贴
