影片
更多
2015-12-09
1014 浏览
家住北角又有细路, 假日实走唔甩要带佢去公园放电, 鲗鱼涌公园同维园都系最近屋企嘅放电场。星期日同呀女去维园放电, 玩到7点几天都黑齐又愈来愈多蚊, 加上第二日又要返学, 快快松人揾地方医肚。向北角方向行, 行到天后另一地标维多利亚(酒店)附近, 咦..有发现 - ASAP, 食乜架? 我净系知家吓3仔乸个肚都打紧鼓, 好URGENT要坐低食嘢啫。 再昅吓门口姐姐拎住𠮶个menu, 最贵个黑松露意粉餐都系78蚊, 其他餐都60零70蚊左近, 又跟汤, 冻饮又免收, 又免加一, 望入去地方又几阔落仲要有梳化位㖞, 唔谂咁多入去试吓。ASAP - 的确真系几simple, menu一眼睇晒A-L餐, 12道峰味都仲差一味, 全部都可跟汤或沙律, 嘢饮最正系跟黎已经系炭烧啡, +8蚊升呢变latte。 叫咗C, D, H餐, 跟3个汤(蕃茄汤), 嘢饮嗌咗冻OT冻炭烧同latte。蕃茄汤 - 应该系蕃茄打蓉煮出黎, 酸度适中, 唔腥够茄味, 唔杰唔稀质感啱啱好顺喉。C餐 炸鱼柳配柚子醋田园沙律 (3仔乸开心share食) - 鱼柳足料新鲜炸, 个䊢够脆口, 沙律系正常沙律菜捞柚子醋, 味道
星期日同呀女去维园放电, 玩到7点几天都黑齐又愈来愈多蚊, 加上第二日又要返学, 快快松人揾地方医肚。
向北角方向行, 行到天后另一地标维多利亚(酒店)附近, 咦..有发现 - ASAP, 食乜架? 我净系知家吓3仔乸个肚都打紧鼓, 好URGENT要坐低食嘢啫。 再昅吓门口姐姐拎住𠮶个menu, 最贵个黑松露意粉餐都系78蚊, 其他餐都60零70蚊左近, 又跟汤, 冻饮又免收, 又免加一, 望入去地方又几阔落仲要有梳化位㖞, 唔谂咁多入去试吓。
ASAP - 的确真系几simple, menu一眼睇晒A-L餐, 12道峰味都仲差一味, 全部都可跟汤或沙律, 嘢饮最正系跟黎已经系炭烧啡, +8蚊升呢变latte。 叫咗C, D, H餐, 跟3个汤(蕃茄汤), 嘢饮嗌咗冻OT冻炭烧同latte。
蕃茄汤 - 应该系蕃茄打蓉煮出黎, 酸度适中, 唔腥够茄味, 唔杰唔稀质感啱啱好顺喉。
C餐 炸鱼柳配柚子醋田园沙律 (3仔乸开心share食) - 鱼柳足料新鲜炸, 个䊢够脆口, 沙律系正常沙律菜捞柚子醋, 味道几好, 唔会太浓太抢, 捞埋啲菜食酸酸甜甜几爽口。
D餐 咖喱牛肋肉蛋包饭 (小弟食, 呀女抽我水) - 似日式咖喱𠮶啲, BB辣, 呀女从来唔食辣都肯试, 仲话几好味, 口感几滑捞饭唔错。牛肋肉有5旧, 够腍唔黐牙, 够牛味。蛋包饭, 用真珠米, 蛋皮煎得几薄, 饭有饭味, 卖相OK。
H餐 黑豚扒意 (两母女开心share食) - 抽水食咗一旧黑豚, 唔韧够味, 意粉我无食, 但两位老细都食到 o习o习声。
冻炭烧 - 一定唔系天王卖广告 "过一过火"𠮶啲货色, 够味唔涩唔鞋口又唔洗加钱, 你话正唔正!
冻OT - 乃呀女至爱, 大老细黐呀女饮咗半杯话啲O味同茶味都够浓够香, 我就无试
Latte - 大老细话+8蚊抵饮过又好饮过默默飞𠮶杯, 话几笋吓!
埋单:
Total$212, 由7点几坐到9点, 其间都有几枱系一家几口连(BB)车嘅家庭入黎食, 可能又系去完维园放完电行过试新嘢。不过间嘢地方确系几阔落, 唔洗同隔离枱迫, 又可以泊好部(BB)车, 坐得都几舒服。出品唔差, 味道亦算好食, 环境够阔落, 价钱亦都几亲民, 所以不失为假日放电后去食饭嘅好选择。唯独要弹嘅系menu暂时只得12道峰味都仲差一味, 可能满足唔到啲街坊或者office常客, 想返头帮衬但选择少而却步, 希望menu将来从L打后会有更多新菜式选择。
- 完 -
张贴