Noodle LAH! (已結業)

假期前夕的午餐！今日相约左旧同事食lunch!! 唔知系咪因为年三十既关系，平时排长龙既LAH!今日竟然一去到就有位！好开心唔使排队！一个set $88 加一 就有小食+主菜+饮品我地3个人都叫左 招牌鸡肉喇沙 做主菜！至于小食就拣左3款不同既，可以share食！饮品唔加钱既得汽水同埋冻红茶，我地又不约而同咁拣左红茶啦！🤗小食：越式网中卷、沙嗲鸡串、泰「正」烤鱼饼网中卷其实系春卷，入面有猪肉同埋芋头！佢个脆皮系特别既，而且食落一啲都唔油！烤鱼饼入面有粟米，豆角同埋芫茜，啖啖肉都几好味，有一阵好香既咖喱同埋香草味！招牌鸡肉喇沙个汤底超浓！好正！鸡肉煮到好「林」，其实唔知食紧鸡肉定猪肉，再睇返menu先肯定佢系鸡肉！😂🤣但系佢个自制蛋面真系几出色！好烟un! 同埋冇碱水味！再讲多次：汤底系好正！