香港郵意 (已結業)

趁放假前夕，同好耐冇见既朋友聚一聚，谈下近况，又互相问候一下，倾下大家身边近来发生既事。要揾个地方可以慢慢倾慢慢坐又有好野食既。。竟然系闹市尖沙咀揾到呢间好地方呢间餐厅系商场二楼，都差唔多占左半层，有好多枱，地方好大，用木去装修，感觉好warm 好舒服。有好多就算一大班人都可以有大枱坐。睇睇menu, 饮品种类较多，食物相对比较少选择， 食物相对比较少选择，饮品有咖啡类，沙冰类，花茶、果茶等。食物方面就意粉，All day breakfast，仲有d 蛋糕可以选择。餐厅系采用自助形式的，自己出去收银台度点餐，再比一个震震机你，食物做好部机就会震，再拎部机出去拎餐。最后拣左带子芦荀海胆汁意粉试试，带子有三粒大大粒，都几新鲜几有咬口，芦笋相对比较幼细同少，但海胆汁意粉几有味，意粉都煮得岩岩好。点了两款饮品，一款是蓝莓果茶，另一款是苹果芒果沙冰。果茶好香，带一点点酸味，几清新几开胃。沙冰就竟然唔会太冰，磨得好细粒，苹果同芒果味都饮得到。可以慢慢坐慢慢倾，绝对系闹市中一个宁静的谈心好地方。