娜多歐陸餐廳 (已結業)

年几无嚟呢间餐厅，水准都系差唔多，价钱大众化，假期客人都几多，出餐都好快，可能我哋嚟𠮶阵啱啱午巿开始，四位都唔使等位。我哋叫咗一个二人餐，一个小食，两个套餐，质素都可以，个人认为卡邦尼意粉同美式炸鸡最好味。午餐餐牌食物无汤，价钱平$10。美式炸鸡，热辣辣，炸得啱啱好，鸡肉一啲都唔鞋，而且好抵。爱尔兰芝味酱疯薯，比较薄同干，都唔错。特浓忌廉芝士汁卡邦尼意粉，个汁几重料，够浓，又好味。芝士达人薄饼，饼底对我嚟讲太干，芝士亦唔多。白汁菠菜芝士吉列鱼柳饭，都可以，无惊喜。娜多杂扒配薯菜，有鸡扒，烟肉，法兰克福肠，烟肉，味道一般，薯菜好似炸咗好耐，唔热仲软淋，蕃茄系生嘅加少少溶咗嘅芝士喺上面，猪扒最好，唔会腌到无晒猪嘅质感，但又唔会鞋同韧。