啡寮 (已結業)

去到长洲咁多野食，食到咁上下，中场要揾个地方坐低抖下，之前就睇到长洲有间特色咖啡室，由一班后生的自己开，仲话系真假文青都必去，咁点都要去朝圣下。喺车水马龙的长洲，地方都唔算难揾，门口放左一排冰滴漏咖啡壶，好有特色又易认。入到去真系几有台湾feel，坐位不算多，保持左适当的空间感，好自然就有种休闲舒适的感觉。试下呢度signature 咖啡和summer special椰皇冰滴咖啡新鲜椰皇即叫即开（唔好再谂人地有无重用，哈哈）先把椰水倒开，保留椰壳内的椰肉，而后把之前滴好的咖啡倒入椰壳内，原只咁拎住饮本身椰肉都清甜，再带出咖啡味和少少「回甘」。椰皇大个d 就更好！菠萝冰滴咖啡呢个将菠萝味加到冰滴咖啡里，味道比想像中夹，唔系甜，仲有少少啤酒味，像成个咖啡底换了一件妆容。总结：越来越旺的长洲里，这种写意和特色的小店确系带来点渡假的感觉