Classy Le Carré

营业中

休息中

放假揾地方轻松下系基本，坚尼地城好多高质素cafe，今日揾左Classy Le Carre享受下人生。Cafe外表似普通西式cafe，欧陆风格既白墙装饰，入到去先知另有干坤，简单精巧既内饰，待应整齐既制服，有礼既态度，成个气氛感觉去左日本西式既cafe咁。待应细心介绍cafe既特色饮品后，我哋分别点左杯35%Azella 炭烤榛子朱古力同壶切抹茶 口切抹茶。朱古力上面有一层泡沫，洒上香口既榛子，饮落仲有碎朱古力，但系又唔会太甜，原来佢哋用左法国名牌Valrhona朱古力，唔怪之得咁好味。另一杯抹茶 用上京都山政小山圆既抹茶粉，仲用上壶切茶既储存方式，所以抹茶味特别香浓，但唔会有涩味，配上鲜奶更加突出抹茶既香浓。我哋仲点左牛角包窝夫配牛油果酱同明太子虾肉，虾肉多到遮哂个窝夫，粒粒都满布明太子，而且爽口弹牙，食到一半虾肉先见到个窝夫。窝夫涂上牛油果酱，窝夫口感依然脆口，值得一试！法式乡村铁镬早餐真系成只镬咁上，份量相当足够，而且营养均衡，有肉有菜，每样都制作用心，绝不马夫。食完野一边啖住热饮，享受下cafe既气氛，真系一个相当舒服既假日。