Club Albergue 1601 (已結業)

终于等到长假期完结，与家人一同出外食个lunch.午饭时间排队嘅唔算多人，加上以往都系食隔离GH.所以今次试下依间.餐厅几乎满座，（席间见到好多人埋单是用礼券，可能这就是原因。😛）防疫措施严谨。👍客人安心。我地头盘order了慢煮牛脷.极力推介！外面煎得香脆，咬落口松软多汁。另外order了羊扒同水牛芝士番茄意大利粉。羊扒，medium，略肥但火侯控制得好，味道唔错，适中。意粉al dente. 亦好好味。小插曲系食左沙律同牛脷之后，就冇再有食物送上，隔了40分钟追问之下，才知道漏单。😳漏单嘅食物好快送上，都算补镬补得快，可能已经系2点几，餐汤已经卖哂，所以送到嚟俾我地嘅餐汤只得半碟😑。结果依餐晏食左两个钟，好彩我地唔赶时间。可能佢地人手唔够，understaff。因为席间不停听到服务员在谈论依个问题，话好多人冇返工，又冇打电话返公司。。。中间还夹杂了不少粗口，可能做到好燥挂。情绪系需要发泄，但最好唔好俾客人听到啰。😅总括食物质素喺好噶，但服务就有好大既进步空间。