The Big Bite Flame-Grill

营业中

休息中

经石塘咀街市上到二楼岀去转右就会见到一间细细既西餐厅。见到价钱唔算贵就叫左4样野食加2杯野饮。首先 caecer salad，个酱偏轻型，重口味既我会想要多少少蒜味，同埋唔太食到鳀鱼味。菜够新鲜同脆。面包好明显系用油炸既，因为食得岀阵油味。无咩特别。第二系肉酱芝士焗薯条，芝士俾得好大方，厚厚一层。但焗薯条有个通病，好淋同好油，可能改做炸薯条淋肉酱同芝士系面反而会好食啲。之后系值得食同好食既野！第一！一定要食佢有牛既burger。一上枱已经闻到好香既炭烧味，加上啲牛既边烧到有少少干，好香口，加埋啲配料。perfect！第二！猪助骨。啲肉够软同埋好入味，但又唔会有阵摆左好耐既怪味，处理得几好。佢啲薯条配埋佢地既黑松露酱好夹，个酱调味岩岩好，唔会太重松露味(太重会有煤气味)，食完个口会回一阵香味，好食！最后，饮左杯Oreo crunch。痴左半块oreo系个杯度，好有兴趣，哈哈。一开头饮，觉得有啲水同无咩味，但后尾搅匀埋啲cream落去又饮到奶香味，唔重冰感又唔太甜，几好，但未去到必试。环境好chill，听住Joseph Vincent 既歌好舒服。 但如果爆场应该会有啲迫。