Riso Café (已結業)

意大利菜中，都几钟意食意大利饭。riso个名都以意大利饭为招徕，就试一试。人工高企、最低工资、精简人手多重夹击之下......要自行登记拎筹，完全理解，亦唔介意得咁多。可想而知，人手唔系咁充足。类似EURO GO GO，走小巧主题路线，餐牌贵精不贵多，不过以小吃来说，亦好过EURO GO GO一味靠焗，可以接受。老婆个意粉麻麻地，冇乜值得好讲。多士几香几香口，杯芦荟特饮唔太甜，好清新又爽口，有小小惊喜。我个饭略嫌湿得滞，不过都可以接受。芒果特饮冇惊喜。另加点蜜汁法兰克福肠。肠衣好脆，唔错。个餐重有细细杯雪糕。整体来说，系偏清淡少少的意大利路线，感觉健康少少，可以一试。