影片
更多
2023-09-28
842 浏览
今日同老婆大人仲有一班朋友去食上海菜，等我做返晚上海佬先「侬吃过了伐」哈哈。老婆大人话同我去中环交易广场食呢餐饭，我心谂乜呢度有餐厅嘅咩！估唔到就喺广场嘅一楼有间叫做紫玉兰嘅上海菜餐厅。我哋平日去食呢餐饭见到都有好多客人生意都几唔错㖞。坐底嚟两个前菜叹吓先！老婆大人最钟意食皮蛋，呢个秋香皮蛋肉松拌豆腐食落去好香口啱晒佢口味啦。我就钟意呢个样靓仔到不得了嘅马兰头石榴果，百页皮入面有啲马兰头然后包到成个石榴果咁样鬼咁精致。百页皮咬落去口感烟烟韧韧咁，加埋入面好清香嘅马兰头系好食嘅。跟住嚟碗热辣辣嘅家乡米苋鲜鱼羹，清鲜嘅汤羹入面有啲菜蓉同埋鱼肉，个羹一啲都唔腥仲越饮越香甜添。我哋仲嗌咗一份紫玉兰烤鸭！连埋一齐上枱嘅有嬷嬷皮、紫苏叶、牛油果、哈密瓜、京葱同埋青瓜，呢个组合真系好鬼特别㖞。烤鸭已经分开晒鸭皮、鸭肉同埋髀、翼位先至上枱，仲好细心将髀同翼包晒锡纸等食嘅时候唔会整污糟手指。个嬷嬷皮做得几烟靭冻咗都唔会硬口，我就钟意包哈密瓜嚟食感觉好清新，至于髀同埋翼梗系用手攞住叹先过瘾啦。继续叫一啲上海嘅小菜嚟叹吓，呢一个系邪恶嘅土匪猪肝，𠮶啲辣椒好辣够刺激啱晒老婆大人叹，我就钟意食煮得好脆口嘅猪润劲
老婆大人话同我去中环交易广场食呢餐饭，我心谂乜呢度有餐厅嘅咩！估唔到就喺广场嘅一楼有间叫做紫玉兰嘅上海菜餐厅。
我哋平日去食呢餐饭见到都有好多客人生意都几唔错㖞。
坐底嚟两个前菜叹吓先！老婆大人最钟意食皮蛋，呢个秋香皮蛋肉松拌豆腐食落去好香口啱晒佢口味啦。
我就钟意呢个样靓仔到不得了嘅马兰头石榴果，百页皮入面有啲马兰头然后包到成个石榴果咁样鬼咁精致。
百页皮咬落去口感烟烟韧韧咁，加埋入面好清香嘅马兰头系好食嘅。
跟住嚟碗热辣辣嘅家乡米苋鲜鱼羹，清鲜嘅汤羹入面有啲菜蓉同埋鱼肉，个羹一啲都唔腥仲越饮越香甜添。
我哋仲嗌咗一份紫玉兰烤鸭！连埋一齐上枱嘅有嬷嬷皮、紫苏叶、牛油果、哈密瓜、京葱同埋青瓜，呢个组合真系好鬼特别㖞。
烤鸭已经分开晒鸭皮、鸭肉同埋髀、翼位先至上枱，仲好细心将髀同翼包晒锡纸等食嘅时候唔会整污糟手指。
个嬷嬷皮做得几烟靭冻咗都唔会硬口，我就钟意包哈密瓜嚟食感觉好清新，至于髀同埋翼梗系用手攞住叹先过瘾啦。
继续叫一啲上海嘅小菜嚟叹吓，呢一个系邪恶嘅土匪猪肝，𠮶啲辣椒好辣够刺激啱晒老婆大人叹，我就钟意食煮得好脆口嘅猪润劲惹味好正斗。
邪恶完之后食返个家烧冬瓜清空下个口，炆得口感啱啱好嘅冬瓜配咗浓郁嘅芡汁，清甜瓜香之中又有浓郁嘅香味，睇落好简单嘅菜其实要花好多功夫先做到呢个味道。
钟意食鱼嘅我哋仲叫咗一条老干妈肉碎蒸黄花鱼，新鲜嫩滑嘅黄花鱼配咗香口嘅老干妈肉碎一齐嚟蒸，出嚟嘅味道梗系俾清蒸惹味得多啦。
最后仲有呢一个酱油蟹毛豆年糕，用咗啖啖肉嘅青蟹嚟煮呢味𩠌啱晒我呀。
浓郁嘅酱油配衬鲜味嘅蟹肉好食到要啜手指！年糕平时我唔系好钟意食不过呢个真系要赞一赞，食落去口感好烟韧最紧要系冻咗都唔会硬。
甜品拣咗老婆大人钟意食嘅高力豆沙，呢个仲系升级版嘅高力蛋白豆沙香蕉，加咗香蕉之后食落仲更加香甜佢食到咪晒眼鬼咁享受。
张贴
