The BASE (已結業)

今日去开观塘做gym ,又要谂下食乜好。观塘一向都系多嘢食嘅地方，但系合我口味嘅餐厅又唔系话好多选择。今日又去返呢间好评如潮嘅The Base, 好嘢真系唔怕食多一两次。今次一嚟到，已经目标锁定左Base salad。佢系慢煮鸡胸，煮得十分之软稔，带肉汁，完全一讲我对鸡胸肉系鞋烚烚嘅印象。上面仲有一只太阳蛋，吉穿佢之后蛋汁慢慢流落嚟，同鸡肉嘅味道都配衬恰当。侧边仲有蜜糖芥末籽汁，甜甜地，又带少少辣味，摆埋上牛油味香浓嘅法包度食，无得弹！而呢度嘅咖啡都真系唔错，拉花好靓，牛奶同咖啡嘅比例都好恰当，饮完都唔会太腻。个人喜欢唔落糖，咁先饮得出咖啡豆嘅香味。做完占食返鸡胸，只系饮杯咖啡都不为过啦？唔好理啦，食咗先啦。