和牛88

营业中

休息中

一向钟情有质素小店，而做和牛🐮嘅小店又唔多，和牛88系心水。放工唔知食乜就谂起佢。坐低咗见到有一人dinner set，价钱就丰俭由人，$128-$238，有沙律小食main 同饮品，都有几多嘢。于是我嗌咗日本产和牛汤乌冬套餐。沙律食材新鲜，人流少，可见店家无因此降低食材要求。小食就点咗烧鳕鱼片，香、脆、热的，睇得出啱啱整起即上。同行嘅叫左牛肉薯饼，炸得松，食到有牛肉，热到出烟，好味。至于和牛汤乌冬🍜有惊喜，汤底清淡，而且好饮，乌冬滑身而且有咬口，至于和牛我都冇咩可以弹，重牛味亦嫩。连伴菜：日本南瓜、西兰花、萝卜都系有煮熟过先放入去碗，睇得出用心。饮品加10蚊点咗个柚子梳打，好爽质素对得住价钱，但我眼见十个客都无，可能市道太差啦😞，唯有希望佢越做越好。原来仲有二人dinner set 㖞，系sukiyaki 😍有机会可以试埋。