HeSheEat (白布街) (已結業)

成日嚟旺角，都唔会行到嚟白布街附近，但知道呢间餐厅嘅甜甜都几好食，又有正餐，就特登同女朋友去试下。———————————一去到好快就有位坐，睇咗阵餐牌就嗌嘢食。见到佢个梳孚厘就知一定要嗌。不得不讲佢地甜品嘅卖相相当吸睛，都几期待味道正唔正😋—————————-饮嘢我地就嗌咗一杯香蕉焦糖奶昔share，一饮落成口香蕉味，但焦糖就净系得挂杯𠮶啲焦糖浆。🤤🥰跟住嗌咗蕃茄蟹肉牛油果莎莎配墨西哥脆片，就好似平时嗌Nachos咁但多咗蟹肉。佢嘅蟹肉都几鲜甜，而且份量都几多。😋😙虽然佢唔系正常buffalo wings with cream cheese，但系mayo配烧烤酱都几夹。而且佢炸都酥脆。🥰😍😋店员话只春鸡要整30分钟，不过只春鸡都烧得几嫩，不过个饭就唔太似意大利米，但个汁整得几香。最后就到个梳孚厘，钟意食抺茶一定好超爱呢个，而且梳孚厘超空气，味道适中。不过呢个黑芝麻唔系雪糕，而系汁嚟。