Catio

营业中

休息中

全自费二访铜锣湾猫咪餐厅，星期五晚8点到达系处于包场既格局，空无一人，上一次来感觉主食好一般，今次食完晚餐先上去，所以就点左啲轻食试试。两个人合共要消费280蚊，即每人要嗌到140蚊既野，即使系会员都系相同价钱。为左凑够数而点左下列既食物，虽然轻食相较主菜好啲，不过仍然有进步空间，㕑师确实要好好花啲心机时间系食物度，同埋都要睇下最低消费呢一个手法系咪可取。英文字母薯块炸到金黄香脆，好食既。👍蜜糖鸡蛋仔呢个外脆内软，系全晚算系最好食既一样野。是日蛋糕呢个蛋糕湿润度过左，tiramisu唔似呢个味，唔会再嗌佢。👎最后因为要凑够数而嗌既两杯花茶，都一样无乜特别。希望餐厅可以转变一下经营模式，因为好难再令我同朋友重回了。