影片
更多
2009-07-30
22 浏览
第一次食,一行4人叫左冬菜蒸草鲩 咸蛋蒸肉饼 梅菜扣肉 滑鸡肉丸粥 炒面 炒米 生菜一份 豆浆4杯蒸草鲩 - 好滑,冇泥味同真系食到少少草香!不过等得比较耐,赶时间唔建议叫,连佢地个楼面哥 仔都系咁话,不过服务搭够!蒸肉饼-未试过系出面食到咁厚既肉饼,足料!同埋唔知系咪佢地健味猪既关系(我本人先前未食过但都有听过下既),D肉味同出面既完全唔同,好好食,好新鲜肉味,同埋佢地夹埋D肥肉一齐蒸,口感好好!梅菜扣肉 -冇得顶,最快黎到既菜,一埋到黎好香梅菜味,食得出系令野,果件扣肉旧肥膏真系入口即溶,送饭超正!肉位入味,系比较松化D,虽然唔系自己预期中既质感,但味道好好,生平未有一间好得过佢地(可能我食野唔多)滑鸡肉丸粥-一黎到成碗粥都黄色既!新鲜肥鸡出晒鸡油,夹埋佢地个粥好绵又好香!滑鸡又岩岩好熟(我本人认为再滚耐D更好食,但唔系唔熟)肉丸大大粒,真系爽口但唔系牛丸果种,亦一样好有肉味,我相信系坚手打唔系吹水,粥底的确比出面食开既淡,但对于食开淡味既我黎讲个味岩岩好,完全唔系出面果D味精粥可以相提并论,个楼面靓仔仲教我可以落少少自家二抽,我一试成件事唔同晒!真系可以建议大家如果觉得唔够味既
冬菜蒸草鲩 咸蛋蒸肉饼 梅菜扣肉 滑鸡肉丸粥 炒面 炒米 生菜一份 豆浆4杯
蒸草鲩 -
好滑,冇泥味同真系食到少少草香!不过等得比较耐,赶时间唔建议叫,连佢地个楼面哥 仔都系咁话,不过服务搭够!
蒸肉饼-
未试过系出面食到咁厚既肉饼,足料!同埋唔知系咪佢地健味猪既关系(我本人先前未食过但都有听过下既),D肉味同出面既完全唔同,好好食,好新鲜肉味,同埋佢地夹埋D肥肉一齐蒸,口感好好!
梅菜扣肉 -
冇得顶,最快黎到既菜,一埋到黎好香梅菜味,食得出系令野,果件扣肉旧肥膏真系入口即溶,送饭超正!肉位入味,系比较松化D,虽然唔系自己预期中既质感,但味道好好,生平未有一间好得过佢地(可能我食野唔多)
滑鸡肉丸粥-
一黎到成碗粥都黄色既!新鲜肥鸡出晒鸡油,夹埋佢地个粥好绵又好香!滑鸡又岩岩好熟(我本人认为再滚耐D更好食,但唔系唔熟)肉丸大大粒,真系爽口但唔系牛丸果种,亦一样好有肉味,我相信系坚手打唔系吹水,粥底的确比出面食开既淡,但对于食开淡味既我黎讲个味岩岩好,完全唔系出面果D味精粥可以相提并论,个楼面靓仔仲教我可以落少少自家二抽,我一试成件事唔同晒!真系可以建议大家如果觉得唔够味既可以加少少,佢地d二抽好香豆味同唔会太咸,我自己滴几下岩岩好,成个粥仲鲜味左!
炒面+炒米
呢个真系诚意之作,即叫即炒有镬气,炒面会比较浓味,搭少少银芽已经好好食,全因佩上佢地自家头抽咁话!炒米好爽口,用好多既蛋丝,什菜丝一齐炒,冇乜油好够味,夹粥食一流!我觉得乜都唔好加最正,我自己都好中意食辣,但食左一口都冇问佢地拎辣酱!
生菜
本身唔需要点讲,灼一灼拖拖水就上台,但重点真系d佢地话既自家二抽,真鲜味,见到佢地贴出黎话有头抽埋,我问一问个楼面既令仔点解唔比头抽客人,佢解释一来头抽用黎卖,二来头抽会将食物既味道抢走,因为太靓既关系!
仲有就系,原来佢地d套餐系可以添粥饭,因为我见到同事们食两,三碗粥先肯走,而佢地亦都乐意去帮我地添,可惜我太迟见到粥量可加可减既标贴,如果唔系就叫佢加多d粥黎煮,好彩有叫炒米黎食,如果唔系真系唔太够饱
总括 : 系健味粥入面食野其实都几正,环境够洁净,又清静,员工比我感觉亦都亲切都会用心解答我,系唯一价钱贵少少,但个人埋单时都系觉得值既~
p.s : 其实好多人都睇唔明粥量可加可减系讲可以加多d粥去煮,就好主观咁以为粥旺可加可减系=可以添粥,虽然我一睇就明,但亦都建议佢地改一改字眼,如「客人可要求多粥/少粥」或粥可加底!
张贴