The Salfee Bar (已結業)

在鲗鱼涌新开嘅哩间salfee bar好岩在附近返工嘅人，去过尖沙咀分店嘅会知道哩度系完全唔同嘅风格，似系外国街头嘅健康salad bar。店面虽然唔大，堂食座位亦唔多，但系成间铺行grab and go嘅风格，好岩生活节奏快嘅都市人。除咗主打五彩缤纷嘅健康沙律，店内都有好多特别嘅野饮，爱健康人士有好多唔同嘅选择！我份沙律系三拼，韩式牛肉椰菜花沙律、希腊式吞拿鱼沙律同番薯藜麦沙律，睇落唔系好多但系原来都几饱肚😂。我最中意系韩式牛肉椰菜沙律，surprisingly竟然系泡菜味，好特别又唔会太淡味，唔会有净系食菜嘅唔满足感😆。杯smoothie亦非常健康，因为中意紫色所以连系咩味都冇考虑就order咗😂。原来有士多啤梨、蓝莓、红莓、红枣、香蕉同奇亚籽，饮落仲有一粒粒嘅口感，又几特别👍。