家嚐飯 (已結業)

今日去荃湾，经过昌宁商场，见到呢间主打健康美食嘅餐厅，咁岩唔想食得咁heavy，所以就入咗去食。叫咗个香草杂菌烟三文鱼烩意粉。一上枱个样几靓，d三文鱼装饰到好似花嘅形状。一叉起意粉，发现底下好多青椒丝，蔬菜丝望落真系超级健康。味道方面，可能因为用咗健康d嘅煮法，会少盐少油，所以食落去味道较淡，冇咩香草味，不过就太重青椒味，感觉成个意粉个味道都好青，我个人唔太钟意食青椒，所以对它评价不太好。不过钟意健康嘅朋友仔可以试试，因为店铺仲有红米饭等嘅健康菜式。