Bread and Bistro (已結業)

长周末既星期六去左黄竹坑既咖啡店Bread and Bistro食野。假日餐牌有多款选择，有全日早餐，沙律，冷乌冬，冲绳特式塔可饭，咖哩，pizza，汤饭，拉面，汤乌冬，意粉，饭，饮品，同甜品。今日每人叫左个主食再加一个小甜品分享。蟹肉小龙虾鲣鱼汤泡饭 $148泡饭原来系白饭加少少红米，上面配有唔少去壳蟹肉同小龙虾，伴有清焯西兰花同梛菜花一大一细各一，仲有少量洋葱同南瓜，最后洒上饭素同葱花。个汤好清，带清淡嘅日式鲣鱼汤味道。呢碗汤饭好健康，蟹肉同小龙虾味道够鲜，少少饭素调味更能提味。日式洋葱牛肉饭 $108日式洋葱牛肉饭大大碗。饭面铺满牛肉片，居然唔系肥牛，正呀，冇咁肥。上面洒上黑白芝麻粒，中间伴有一只温泉蛋，捞饭一流。其他配料仲有好入味嘅冬菇，菇仔，可以增加口感嘅粟米粒，再洒上葱花。碗饭够汁，送饭一流，够捞哂成碗饭。伯爵茶布丁烧 $38伯爵茶布丁烧用个玻璃兜仔装往，上层布丁超级滑溜，味道带微微伯爵茶，下底原来系一层蛋糕，非常湿润，感觉似Tiramisu。周六两点后餐厅都好旺场。