銀杏館 婆婆廚房

营业中

休息中

去开油塘交收货物顺便揾间餐厅食下晚餐，上网揾附近餐厅揾到婆婆厨房，俾佢网上写嘅理念吸引咗去帮衬。婆婆厨房嘅位置有啲难揾，但邻近系空中花园空气好好。一坐低，职员俾咗一张点餐纸叫我哋够时间就可以写自己想叫嘅嘢落去，同埋讲解有啲乜嘢可以喺自助吧拎嚟食，服务好好。沙律吧嘅沙律非常新鲜，问返职员都系喺佢哋嘅有机农场提取，我都忍唔住攞咗几份！叫咗一个阔老炒饭，上台非常震惊，因为系虾炒饭！面铺咗四只鲜虾非常入味，仲混埋虾干同鲜虾仔，口感好丰富，而且佢仲要用虾酱炒！爱虾人士必点～地理位置虽然难揾，但餐厅嘅食物同埋服务都值得专登嚟食，下次都会同三五知己再嚟帮衬！