大熱高湯麵 (已結業)

又来帮衬呢间餐厅啦 ！今次都系食佢个套餐，狼仔同我每人一个汤面加两款小食。个鸡汤都几清，望落去冇咩油，饮完都唔觉得口渴。葛粉丝比较烟韧，需要啲时间慢慢食。懒得咬嘅人应该食阳春面比较啱。每次都一定会叫芥末炸墨鱼丸。非常新鲜，一咬落去 D芥末酱bi出黎，超正！糖心蛋亦系我嘅必叫小食之一 ！个糖心生熟刚好， 只蛋都整得好入味。木耳系健康之选，味道清清地，但又几好味！牛腩同萝卜都好入味，个萝卜简直系入口即溶！小食嘅选择实在太多， 每次总有几样必食，唔知几时先可以食晒想试嘅小食呢？XD