牛扒先生 (青衣城1)

营业中

休息中

上次经过见到不过冇入到去食，因为去左对面食点心。今日系专登来试下佢地个set lunch，set lunch个menu都有几款主菜比客人拣，最喜欢系所有set lunch都包左任食沙律吧丶飮品同甜品。主菜我拣左2款，南瓜汁天使面丶炸龙利配薯角。餐汤同面包都向沙律吧度任食任饮，今日是忌廉汤，汤唔太热=.=面包有法包同香草包，2只都好食。沙律包有3款酱丶普通的沙律酱丶千岛酱同意式油醋。沙律方面有好多款，例如生菜火箭菜紫椰菜丶红萝卜丝丶蓣果沙律丶油浸椰菜丝丶泰式沙律丶红腰豆丶菠萝木爪沙律丶南瓜沙律丶小粒红萝卜配青豆沙律...等等，好新鲜，而且不停添加。南瓜天使面上面有冬菇片，味道清淡，面条煮得刚好，岩素食人士。炸龙利卖相比较差而且得2小件=.=真系唔值lee个价钱，味道可以话一般，冇可取。甜品原来是蛋糕，味道唔会过甜。热咖啡当然是不及太平洋或星巴克，不过也算不错。佢的沙律吧我个人来说可以系非常满意，如果lunch set可以有净系沙律吧跟茶和甜品更好。