Simplylife Bakery Cafe

营业中

休息中

呢间啲面包好多人买，应该唔错。假日中午同朋友两人食午餐，用餐时间只有60分钟，好幸运朋友前几日就book 咗，唔系就要等位。呢到menu 有好多选择，轻食有沙律，奄列，多士，份量大啲嘅有汉堡，poach egg muffin , 意粉，全日早餐等等。所以适合唔同口味嘅客人，都好多人一家大小嚟食。个餐仲包一份沙律或者soup of the day，今日汤系磨菇汤，朋友叫嘅，冇试。我要咗沙津，内里有一块橙，青萍果，菜好新鲜。面饱仲有一分牛油送。餐仲包一杯饮品，我要咗Zero coke 。主食都系叫咗沙津，系香草烧鸡肉沙津，牛油果，芦笋，杏仁片，烟肉意大利醋汁。沙津菜好新鲜，啲鸡肉系菜下面，都几嫩，牛油果其实系果酱，我唔食牛油果嘅，觉得几好，冇清草味。dressing 调得几好，清新，而唔过甜，份量light lunch 来说好足够。如果想食多啲，可以选择其他餐，见其他客人叫汉堡真系好大份嘅。可惜只能坐60分钟，百几蚊系沙田新城市广场食西餐，真系抵。