Mr.W 即烘蛋糕

营业中

休息中

今日黎到天后，见到有间古早味蛋糕店好特别，因为第一次见到有无花果同枣蓉味既蛋糕，于是入左去睇。店内有细细粒既无花果同枣蓉味既蛋糕可以试食，我试完觉得唔错。佢可以半个半个甘卖，所以一次过买晒个时有既四只味。原味鲜奶蛋糕质感松软，又湿润唔会太干，好好食。店员话所有蛋糕都系用大豆植物油，原味比起其它味除左有鸡蛋之外，仲加左牛奶。无花果蛋糕有无花果碎碎，绝对系健康之选，亦唔会好甜，食落无乜负担。枣蓉蛋糕加左枣蓉碎碎，蛋糕都可以做到有养生既感觉，食多几件都唔怕啦。栗子蛋糕逢星期一、三、五、日先有。我甘岩遇到佢新鲜出炉，好幸运，闻到超级香，栗子大大粒，味道都唔错架。